ORLANDO

Við stelpurnar eyddum helginni í Orlando - fórum snemma á laugardegi og komum í gærkvöldi. Við fórum í ferð með skólanum svo það voru nokkrir fleiri krakkar frá EF. Við lögðum af stað eldsnemma á laugardagsmorgninum og keyrðum til Orlando með rútu og vorum komin um 10 leytið. Við eyddum öllum laugardeginum í Disneylandi sem var mjög gaman, þar sem ég var þriggja mánaða þegar ég var þarna síðast var mjög gaman að koma þarna aftur og muna þá eftir því. Við fórum í Magic kingdom og skoðuðum okkur um og fórum í nokkur tæki í þessu prinsessulandi. Rútan kom að sækja okkur aftur um kvöldið og við vorum komnar uppá hótel um 11 leytið -  það var mjög fínt að fá að sofa í alvöru góðu rúmi eftir að hafa sofið í koju síðustu tvær vikurnar. Á sunnudeginum vöknuðum við kl hálf 8 og fórum þá Universal Studido og við byrjuðum í Island of Adventure. Ég og rússibanar höfum aldrei verið miklir vinir eins gaman og mér finnst í þeim en ég byrjaði samt daginn á því að fara í tvo rússibana sem endaði ekkert svakalega vel þar sem allur dagurinn fór í flökurleika og æl. Ekkert mjög skemmtilegt en ég reyndi nú samt að njóta mín og skoða bæði Island of Adventure og Universal og fór í nokkur tæki sem voru í lagi fyrir magann minn. Dagurinn var góður þrátt fyrir þetta litla vesen en það hefði þó mátt vera aðeins betra veður þar sem okkur var eiginlega bara kalt því sólin lét ekkert sjá sig.

Rútan kom að sækja okkur kl 6 og lögðum við þá af stað aftur til Miami eftir æðislega helgi.
-

 

Ingibjörg

Miami beach

Jæja, nú ætla ég loksins að gefa mér smá tíma í að blogga um síðastliðna daga hér í þessu ljúfa lífi. Ég hef núna verið hér í 5 daga og þessir dagar hafa allir verið fullbókaðir og skemmtilegir og þess vegna hef ég bara ekki haft tíma til að koma neinu frá mér.

Við lögðum af stað í ferðalagið okkar á laugardaginn og gistum í NY eina nótt og fórum svo yfir til Miami. Það voru mikil viðbrigði að koma úr kuldanum á Íslandi í þennan hita en ljúft var það og við vinkonurnar nutum þess mjög vel. Fyrsta daginn okkar vorum við bara að koma okkur fyrir og skoða okkur um - við gistum í campus sem er staðsett í skólanum og í einu herbergi er 3-4 nemendur saman. Ég og Anna erum saman í herbergi með 2 stelpum, ein frá Finnlandi og önnur Martinique(frönsk eyja í Karabískahafinu).

Á mánudeginum fórum við í city tour um Miami í 5 klst, það var mjög fínt þó það hafi verið langdregið. Við fórum á marga staði sem við hefðum líklegast ekki heimsótt á meðan við erum hér. Fórum meðal annars downtown Miami, Little Havana og Cocowalk.

Downtown Miami

Á þriðjudeginum byrjaði skólinn og er hann mjög fínn. Það eru aðeins tveir - þrír 80 mínútna tímar á dag fyrir eða eftir hádegi svo það er mjög fínt að geta síðan notið sólina fyrir eða eftir skóla.

Það skemmtilega við skólann er að sjá líka allt ólíka fólkið frá mismunandi löndum, við höfum aðeins talað um menninguna í okkar landi í tíma og var mjög áhugavert að heyra það sem sumir segja um landið sitt sem er svo allt öðruvísi en Íslandið okkar.

Við erum staðsettar á Collins Ave sem er mjög stór gata eftir allri ströndinni. Göngugatan er í aðeins 15 mínútna göngufæri og heitir hún Lincoln Road Mall og eru allar helstu búðirnar þar.

Göngustígur eftir stöndinni

Lincoln Road Mall

Annars hefur rútínan verið frekar svipuð alla daga síðan ég kom hingað og er ég að njóta mín mjög vel hér í sólinni. Við erum ennþá að venjast tímamismuninum svo við er alltaf dauðþreyttar eftir daginn en það fer allt að venjast.

Ég ætla ekki að hafa þetta mikið lengra en ég lofa að ég mun verða duglegri þegar ég er komin í meiri rútínu hér. Annars er ég mjög dugleg á Instagram svo fylgist með þar þangað til ég blogga næst.

-

Ingibjörg